Wimbuh Kawruh

 

Ing saperangan andharan wis njlentrehake yen tembang Pocung iku surasane bisa ngemot cangkriman. Cangkriman yaiku unen-unen utawa tetembungan kang kudu dibatang utawa dibedhek maksude. Cangkriman uga diarani bedhekan utawa batangan. Wujud cangkriman kaperang kaya ing ngisor iki, yaiku:

·         Awujud tembung wancahan (cekakan), tuladha :

Ø  Pak boletus : tapak kebo ilang satus

Ø  Pak bomba, pak lawa, pak piyu, tapak kebo amba, tapa ula dawa, tapak sapi, ciyut

Ø  Pindhang kileng : sapi nang kandhang, kaki mentheleng

·         Awujud pepindhan (emper-emperan), tuladha :

Ø  Sega sakepel dirubung tinggi : salak

Ø  Pitik walik saba kebon : nanas

Ø  Ora mudhun-mudhun yen ora nggawa mrica sakanthong : kates

Ø  Pitik walik saba meja : sulak, kemoceng

Ø  Emboke dielus-elus anak di idak-idak : andha

Ø  Gajah nguntal sakrah : pawon

Ø  Kebo bule cancang merang : buntil

·         Awujud plesedan utawa blenderan, tuladha :

Ø  Wong wudunen kuwi sugih pari : paringisan/ pringisan

Ø  Ora usah mutung. Mutung apa? Mutung kasarung : lutung kasarung

·         Awujud sinawung ing tembang Pocung, tuladha :

Ø  Bapak pocung cangkemu marep mandhuwur

Sabamu ing sendhang,

Pencokanmu lambung kering,

Prapteng wisma si pocung muntah guwaya

( Batangane = Klenthing/ Jun )

Ø  Bapak pocung renteng-renteng kaya kalung

Dawa kaya ula,

Pencokanmu wesi miring,

Sing disaba si pocung mung  turut kurba,

( Batangane = Sepur )

Siswa dak suwun mirengake tuladha tembang Pocung ingkang dipun lumantarake dening ibu Endang hartini lan dipraktekake ana ing ngomah mu dewe-dewe !

 

 

Sugeng nyinauni

Wimbuh Kawruh 2021-08-08T02:23:00-07:00 Rating: 4.5 Diposkan Oleh: Bahasa Jawa